14 қыркүйек күні сағат 16-00-де Қарағанды облыстық бейнелеу өнері музейінде "Шахтинск квартеті"көрмесі ашылады.

Бұл көрме Шахтинск қаласының төрт суретшісі - Жаңабек Жұмабеков, Елена Нивиденская, Ерсін Темірғалиев және Наталья Сайгушеваның шығармашылығын көрсетеді. Олардың барлығын Шахтинск қаласының А.Исмаилов атындаған балалар көркемсурет мектебіндегі жұмыс біріктіреді.

Жұмабеков Жаңабек. Суретшіні ең күрделі психологиялық жанр-портрет қызықтырады. Ол өткеннің ұлы қайраткерлері мен замандастарымыздың бейнелерін жасаған. Жаңабектің еңбектерінде ересектер мен балалардың мінез-құлқы ашылып, бет әлпетінің, қимыл-қозғалыстардың, ым-ишараттың жеке ерекшеліктері беріледі.

Нивиденская Елена. Көрмеде киізден жасалған таңғажайып туындылардың түрлі қырлары ұсынылған. Суретші дәстүрлі киіз басу техникасында жұмыс істейді, "жүнмен бояу" техникасында түстердің ең нәзік нюанстарымен суреттер жасайды, нунофелтингтің заманауи бағыттарымен тәжірибе жасайды.

Темірғалиев Ерсін. Экспозицияда оның шығармашылығының жан-жақтылығын көрсететін шығармалар ұсынылған-оған мүсін, кескіндеме және графика қызықты.

Сайгушева Наталья. Суретші өз жұмысында Пейзаж жанрын ұнатады, жылдың әртүрлі уақыттарында табиғаттың сұлулығын бейнелейді. Көрмеге ыстық батик техникасындағы жұмыстар, сиямен, соуспен, пастельмен жасалған графикалық парақтар қойылған.

Көрме 26 қыркүйекке дейін жалғасады.