13 ақпан күні  сағат 16:00 Қарағанды облыстық бейнелеу өнері музейінде Қарағанды облысының 90 жылдығына орай музей қорынан «09-90. Өңірдің бейнелеу өнері» көрмесі ашылады.

Көрменің мақсаты – Қарағанды облысын жан-жақты сан қырынан мәдениетін, экономикасын, тарихын, ауыл шаруашылығын көрсету әрі облыстың өркендеп өсуіне үлес қосқан тарихи тұлғалар мен, қайраткерлер өмірін бейнелеу өнері туындылары арқылы дәріптеу.

Бұл экспозицияда біздің сүйікті қаламыз бен облысымыздың даму тарихын, кескіндеме, графика және мүсіндерде портрет және пейзаж жанрында көре аламыз. Дәл осы жанрлар, ұйымдастырушылардың пікірінше, өлкеміздің тағдырынан сыр шертіп, оның қайталанбас бейнесін бере алады.  

Біздің көрікті өлкеміздің бай тарихы, бізге талдап оны әлі де тереңнен зерттеуге мүмкіндік береді.  Суретші ол тарихты бейнелеуші – өткен күн тарих кешегі қарағанды бейнесін біз осы суретшілер шығармаларынан көре аламыз. Ал өңір тарихы – ол  сол өңірде өмір сүріп жатқан адамдар тарихы.  Өмір сүрген, өмір сүріп жатқан, әлі де өмір сүретін.

Көрме 22 ақпанға дейін жалғасады.